ការងារស្ម័គ្រចិត្តកម្មវិធី «បំបែកឯតទគ្គកម្មក្រមាវែងជាងគេលើពិភពលោក»
ការងារស្ម័គ្រចិត្តកម្មវិធី «បំបែកឯតទគ្គកម្មក្រមាវែងជាងគេលើពិភពលោក»
កាលពីថ្ងៃទី១២ ខែមករា ឆ្នាំ២០១៨ Gogo Cambodia បានប្រកាសបើកជាផ្លូវការនូវព្រឹត្តិការណ៏ បំបែកឯតទគ្គកម្មក្រមាវែងជាងគេលើពិភពលោក។
កាលពីថ្ងៃទី ៣ កុម្ភៈ Gogo Cambodia បានបា្ររព្ធពិធីតម្លើងហោជាងដំបូលនៃសាលាតម្បាញធំ ដើម្បីបួងសួងដល់វត្ថុសាកសិទ្ធក្នុងដែនបុរី ដែលតែងតែជួយប្រជាជាតិកម្ពុជាឱ្យរស់នៅដោយភាពសុខសាន្ដ សប្បាយរីករាយ សន្តិភាព និង សាមគ្គីភាព សូមជួយឱ្យកម្មវិធីនេះប្រព្រឹត្តទៅប្រកបដោយភាពជោគជ័យ ដើម្បីជួយលើកកម្ពស់មោទនភាពជាតិ និងកិត្យានុភាពជាតិកម្ពុជានៅលើឆាកអន្តរជាតិ។
កម្មវិធីនេះនឹងប្រព្រឹត្តទៅនាវាលព្រះមេរុ ចាប់ពីថ្ងៃទី១៤ ខែកុម្ភៈ ឆ្នាំ២០១៨ តទៅ។ កម្មវិធីអាចសម្រេចបាន លុះត្រាតែក្រមាដែលត្បាញមានប្រវែងសរុបយ៉ាងតិច ១,០០០ ម៉ែត្រ។ ពេលវេលាយូរ ឬឆាប់ គឺអាស្រ័យទៅនឹងកាលចូលរួមរបស់បងប្អូនទាំងអស់គ្នា។ ហេតុដូច្នេះហើយកម្មវិធី «បំបែកឯតទគ្គកម្មក្រមាវែងជាងគេលើពិភពលោក» ត្រូវការជ្រើសរើសយុវជនស្ម័គ្រចិត្តដើម្បីជួយក្នុងការរៀបចំដំណើរការកម្មវិធីទៅតាមទីតាំងនីមួយៗរួមមាន (១)សាលចុះឈ្មោះនិងរៀនតម្បាញ (២)សាលតម្បាញ (៣)រោងផ្តល់ព័ត៌មាន (៤)គ្រប់គ្រងទីតាំង (៥)ក្រុមចល័ត និង (៦)call center។
លក្ខខណ្ឌជ្រើសរើស
យុវជន-យុវនារី ដែលមានបំណងដាក់ពាក្យ ត្រូវបំពេញលក្ខខណ្ឌដូចខាងក្រោម៖
១. មានពេលទំនេរអាចជួយការងារបានយ៉ាងតិច ១ខែ
២. ត្រូវមានអាយុចាប់ពី ១៨ឆ្នាំឡើងទៅ
៣. មានភាពរួសរាយរាក់ទាក់ និងទំនាក់ទំនងការងារល្អ
៤. មានអត្តចរិតស្លូតបូត សុភាពរាបសា និងមានសុខភាពមាំមួន
៥. មានទំនួលខុសត្រូវ និងឆន្ទៈខ្ពស់លើការងារ
៦. ធ្លាប់មានបទពិសោធន៍ការងារស្ម័គ្រចិត្តកាន់តែប្រសើរ
ក្រុមការងារនឹងធ្វើការទំនាក់ទំនងទៅ បេក្ខជន/បេក្ខនារីដែលត្រូវបានជ្រើសរើសតែប៉ុណ្ណោះ ។ សម្រាប់ព័ត៌មានបន្ថែមសូមទាក់ទងមកលេខ 070 572 625/ 096 789 5957
No comments